Klibur Estudante Fatululic (KESFAT) mak organizasaun estudantil ida harii atu halibur no hametin unidade entre estudante Sub Distrito Fatululic oan tomak nudar forsa inteletuál ida oinsa atu bele kontribui ih prosesu dezenvolvimentu nasaun nian partikularmente iha Sub Distrito Fatululic.
KESFAT nudar organizasaun estudantil sei la inklina ba grupu ka partidu politiku ruma, hala’o deit nia knaar la sees hosi “Tri-Knaar Universidade “ nian mak hanesan : Edukasaun, Peskizasaun no Dedikasaun ba komunidade.
Organizasaun ida ne’e moris nanis ona iha tempu resistensia nia laran mesmu ho naran ne’ebe lahanesan tuir evolusaun prosesu luta ba ukun- an nian, no hafoin ukun –an, organizasaun ne’e moris fali ho naran KLESJOFA ( Klibur Estudante Joventude Fatululic) no muda fali ba KESFAT iha tinan 2008. Mesmu mudansa iha naran maibe nia objetivu ida deit maka atu halibur hodi hametin unidade entre estudante Fatululic oan sira atu kontribui ba prosesu dezenvolvimentu iha aspeitu oioin iha Sub Distrito Fatululic nia laran ho ambiete ida ne’ebe unidu, hakmatek, pas no domin nia laran.
Klibur Estudante Fatululic harii tuir nia vizaun no misaun hanesan tuir main ne’e
-
Vizaun
1. Atu hametin amizade no unidade entre estudante Fatululic oan
2. Atu habelar informasaun ne’ebe konstrutivu no edukativu ba komunidade Fatululic
3. Sai matadalan no aspirator ba komunidade iha prosesu dezenvolvimentu rai Fatululic hanesan ih aspeitu sosial, ekonomia, kultural, no aspektu politika.
4. Motiva no enkoraja estudante respeitu valores edukasaun nian
-
Misaun
1. Atu akumula estudante Sub Distrito Fatululic hodi fo kontribuisan ho responsablidade ba intrese komunidade.
2. Hodi implementa teoria matenek nian ne’ebe hetan iha nivel eskola sekundaria no universidade iha vida moris loro loron nian iha komunidade nia laran
3. Atu monitoriza no partisipa iha prosesu dezenvolvimentu Sub Distrito Fatululic no fó solusaun ba problema ne’ebe komunidade infrenta.
4. Atu hasa’e neon matenek no neon badaen nian entre estudante hotu-hotu.
